زیارت میں فیز فور کنٹریکٹ اساتذہ کی تعیناتی جلد شروع ہوگی: ڈپٹی کمشنر عبدالقدوس اچکزئی

زیارت: ڈپٹی کمشنر زیارت عبدالقدوس اچکزئی کی زیرِ صدارت ڈسٹرکٹ ایجوکیشن گروپ کا اہم اجلاس منعقد ہوا، جس میں ڈسٹرکٹ ایجوکیشن آفیسر لطیف اللہ غرشین، ڈسٹرکٹ افسر ایجوکیشن عبدالمالک تاج، اکاؤنٹس افسر عبدالنعیم پانیزئی، ڈی او فیمیل میمونہ فہیم، ڈی ڈی او فیمیل فرزانہ ارباب، ڈی ڈی او فیمیل سنجاوی فرزانہ کلثوم، ڈی ڈی او سنجاوی عبدالخالق، ڈی ڈی او زیارت نقیب اللہ کاکڑ، بی ایف ڈسٹرکٹ آرگنائزر فیض خلجی اور آر ٹی ایس ایم بدرالدین نے شرکت کی۔

اجلاس میں ضلع بھر کے تعلیمی امور، اسکولوں کی کارکردگی، اساتذہ کی حاضری، طلبہ کے تعلیمی معیار اور تعلیمی سہولیات کی فراہمی کا تفصیلی جائزہ لیا گیا۔

ڈپٹی کمشنر عبدالقدوس اچکزئی نے واضح کیا کہ سرکاری ملازمین بالخصوص اساتذہ کی حاضری اور کارکردگی پر کوئی سمجھوتہ نہیں کیا جائے گا۔ انہوں نے کہا کہ فیز فور کنٹریکٹ اساتذہ کی تعیناتی کا عمل جلد شروع کیا جائے گا۔

تصویر: بشکریہ ڈی جی پی آر بلوچستان