رکنی میں اسسٹنٹ کمشنر فہد حسین عمرانی کا پیٹرول پمپس کا معائنہ، میٹر اور پیمانے چیک

رکنی: ڈپٹی کمشنر بارکھان سعید الرحمن کاکڑ کی ہدایت پر اسسٹنٹ کمشنر رکنی فہد حسین عمرانی نے تحصیل رکنی میں مختلف پیٹرول پمپس کا معائنہ کیا، جہاں گیج، میٹر ریڈنگ، پیمانوں اور پیٹرول کی مقررہ مقدار کی فراہمی کا تفصیلی جائزہ لیا گیا۔

اسسٹنٹ کمشنر نے میٹر ریڈنگ اور پیمانوں کی درستگی چیک کرکے یقینی بنایا کہ صارفین کو مقررہ مقدار کے مطابق پیٹرول مل رہا ہے۔ انہوں نے پمپ مالکان کو خبردار کیا کہ گیج اور میٹر ریڈنگ میں بے ضابطگی یا مقررہ مقدار سے کم پیٹرول کی فراہمی ہرگز برداشت نہیں کی جائے گی۔

انہوں نے کہا کہ عوام کے حقوق کے تحفظ اور پیمانوں میں شفافیت کے لیے پیٹرول پمپس کی چیکنگ کا سلسلہ بلا تعطل جاری رہے گا۔

تصویر: بشکریہ ڈی جی پی آر بلوچستان