دکی: ڈسٹرکٹ امپلیمنٹیشن کمیٹی کا اجلاس، غیر قانونی اسلحہ، بھتہ خوری، اسمگلنگ اور این سی پی گاڑیوں کا جائزہ

دکی: ڈپٹی کمشنر دکی فضل الرحمن کبدانی کی زیر صدارت ڈسٹرکٹ امپلیمنٹیشن کمیٹی (District Implementation Committee) کا اجلاس منعقد ہوا، جس میں ایس پی دکی منصور احمد بزدار، ایکسائز اینڈ ٹیکسیشن آفیسر محمد حسین اور قانون نافذ کرنے والے اداروں و متعلقہ محکموں کے افسران شریک ہوئے۔ اجلاس میں امن و امان، غیر قانونی سرگرمیوں کے تدارک اور قانون پر عملدرآمد کا جائزہ لیا گیا۔

اجلاس میں BISA اور PIFTAC ڈیش بورڈ، غیر قانونی اسپیکٹرم، غیر قانونی اسلحے کے مقدمات، دھماکہ خیز مواد، بھتہ خوری، منشیات کے مقدمات، اسمگلنگ، نان کسٹم پیڈ (NCP) گاڑیوں، مدارس کی رجسٹریشن، گداگری، جوئے، ٹریفک قوانین کی خلاف ورزیوں، غیر قانونی پٹرول پمپس اور تجاوزات سمیت معاملات پر پیش رفت کا جائزہ لیا گیا۔

ڈپٹی کمشنر نے ہدایت کی کہ غیر قانونی سرگرمیوں کی روک تھام کے لیے باہمی رابطہ اور مربوط حکمتِ عملی کو مؤثر بنایا جائے، قانون شکنوں کے خلاف بلاامتیاز کارروائی کی جائے اور عوام کے جان و مال کا تحفظ ہر صورت یقینی بنایا جائے۔ اداروں نے اپنے اقدامات اور آئندہ لائحہ عمل سے آگاہ کیا، اور ڈپٹی کمشنر نے ضلعی انتظامیہ کے ساتھ مکمل تعاون اور کوآرڈینیشن کی ہدایت کی۔

تصویر: بشکریہ ڈی جی پی آر بلوچستان