جعفرآباد: ڈپٹی کمشنر خالد خان کی زیر صدارت ریونیو اجلاس، زمینداروں سے سرکاری واجبات کی وصولی تیز کرنے کی ہدایت

جعفرآباد: ڈپٹی کمشنر جعفرآباد خالد خان کی زیرِ صدارت محکمہ ریونیو کا اہم اجلاس منعقد ہوا، جس میں اسسٹنٹ کمشنر، تحصیلداروں، نائب تحصیلداروں، قانون گوز اور دیگر متعلقہ افسران نے شرکت کی۔

اجلاس کے دوران محکمہ ریونیو کے افسران نے سرکاری واجبات کی وصولی سے متعلق فرداً فرداً بریفنگ دی۔

اس موقع پر ڈپٹی کمشنر خالد خان نے ہدایت کی کہ سرکاری واجبات کی وصولی ہر صورت یقینی بنائی جائے اور جن زمینداروں پر سرکاری واجبات تاحال واجب الادا ہیں، ان سے بقایاجات کی وصولی کے عمل کو مزید مؤثر اور تیز کیا جائے تاکہ مقررہ اہداف بروقت حاصل کیے جا سکیں۔

تصویر: بشکریہ ڈی جی پی آر بلوچستان