انوشکا شرما اور ویرات کوہلی نے ممبئی میں کتنے کروڑ کی پراپرٹی خرید لی؟

بھارتی میڈیا رپورٹس کے مطابق انوشکا شرما اور ان کے والدین نے ممبئی کے علاقے ورسوا میں واقع لگژری رہائشی منصوبے ’گوڈریج اسکائی شور‘ میں تین اپارٹمنٹس خریدے ہیں، جن کی مجموعی مالیت 44 کروڑ بھارتی روپے بتائی گئی ہے۔

رپورٹ کے مطابق انوشکا شرما نے 2 ہزار 153 مربع فٹ پر مشتمل اپارٹمنٹ 14 کروڑ 89 لاکھ بھارتی روپے میں خریدا، جبکہ ان کے والدین نے ساتھ واقع ایک ہزار 577 مربع فٹ کا اپارٹمنٹ 10 کروڑ 91 لاکھ بھارتی روپے میں خریدا۔ دونوں اپارٹمنٹس کی مجموعی قیمت 25 کروڑ 80 لاکھ بھارتی روپے ہے۔

ان دونوں خریداریوں کے معاہدے 8 جولائی 2026 کو رجسٹرڈ ہوئے۔ انوشکا شرما نے اپنے اپارٹمنٹ پر 74 لاکھ 50 ہزار بھارتی روپے جبکہ ان کے والدین نے 65 لاکھ 40 ہزار بھارتی روپے اسٹیمپ ڈیوٹی ادا کی۔

رپورٹس کے مطابق دونوں اپارٹمنٹس زیرِ تعمیر رہائشی منصوبے کا حصہ ہیں اور ان کا قبضہ 30 جون 2031 تک ملنے کی توقع ہے۔ انوشکا شرما کے اپارٹمنٹ کے ساتھ پارکنگ کی تین مخصوص جگہیں بھی شامل ہیں۔

دوسری جانب انوشکا شرما اور ویرات کوہلی نے اسی منصوبے میں مشترکہ طور پر ایک اور اپارٹمنٹ بھی خریدا ہے، جس کی قیمت 18 کروڑ 29 لاکھ بھارتی روپے بتائی گئی ہے۔ اس خریداری کا معاہدہ 21 جولائی 2026 کو رجسٹرڈ ہوا، جبکہ جوڑے نے تقریباً ایک کروڑ 9 لاکھ بھارتی روپے اسٹیمپ ڈیوٹی ادا کی۔

یوں انوشکا شرما، ان کے والدین اور ویرات کوہلی کی حالیہ خریداریوں میں شامل چار اپارٹمنٹس کی مجموعی مالیت 44 کروڑ نہیں بلکہ 62 کروڑ 29 لاکھ بھارتی روپے بنتی ہے۔