طارق کی دعا

علامہ محمد اقبال · بالِ جبریل

پس منظر

طارق بن زیاد وہ سپہ سالار ہیں جنہوں نے 711ء میں آبنائے جبل الطارق پار کر کے اندلس (ہسپانیہ) میں قدم رکھا⁴۔ نظم کا ذیلی عنوان «اندلس کے میدانِ جنگ میں» ہے، یعنی یہ وہ دعا ہے جو شاعر نے جنگ سے پہلے طارق کی زبان سے کہلوائی ہے²۔ یہ «بالِ جبریل» (1935ء) میں شامل ہے¹³۔

کلام

اندلس کے میدان جنگ میں

یہ غازی یہ تیرے پر اسرار بندےجنہیں تو نے بخشا ہے ذوق خدائی

دو نیم ان کی ٹھوکر سے صحرا و دریاسمٹ کر پہاڑ ان کی ہیبت سے رائی

دو عالم سے کرتی ہے بیگانہ دل کوعجب چیز ہے لذت آشنائی

شہادت ہے مطلوب و مقصود مومننہ مال غنیمت نہ کشور کشائی

خیاباں میں ہے منتظر لالہ کب سےقبا چاہیئے اس کو خون عرب سے

٭

کیا تو نے صحرا نشینوں کو یکتاخبر میں نظر میں اذان سحر میں

طلب جس کی صدیوں سے تھی زندگی کووہ سوز اس نے پایا انہیں کے جگر میں

کشاد در دل سمجھتے ہیں اس کوہلاکت نہیں موت ان کی نظر میں

دل مرد مومن میں پھر زندہ کر دےوہ بجلی کہ تھی نعرۂ لا تذر میں

عزائم کو سینوں میں بیدار کر دےنگاہ مسلماں کو تلوار کر دے

مشکل الفاظ

• غازی: اللہ کی راہ میں لڑنے والا
• پر اسرار: بھیدوں بھرے
• ذوقِ خدائی: خدائی صفات کا شوق، یعنی بلند حوصلہ
• دو نیم: دو ٹکڑے
• ہیبت: رعب
• رائی: سرسوں کا دانہ، بہت چھوٹی چیز
• لذتِ آشنائی: اللہ سے تعلق کا لطف
• مطلوب و مقصود: جس کی طلب اور جو مقصد ہو
• مالِ غنیمت: جنگ میں ہاتھ آنے والا مال
• کشور کشائی: ملک فتح کرنا
• خیاباں: باغ کی روش
• قبا: لباس، چوغہ
• صحرا نشینوں: صحرا میں رہنے والے
• یکتا: بے مثل
• کشادِ درِ دل: دل کا دروازہ کھلنا
• ہلاکت: تباہی
• نعرۂ لا تذر: حضرت نوحؑ کی دعا «لا تذر» (کسی کو نہ چھوڑ)، یعنی باطل کے خلاف پکار
• عزائم: ارادے