غالب: نکتہ چیں ہے غم دل اس کو سنائے نہ بنے

مرزا اسد اللہ بیگ خاں غالب (1797–1869)²

پس منظر

ردیف "نہ بنے" کے ساتھ یہ غزل بے بسی کی کیفیت کو کئی رخوں سے دکھاتی ہے: بات بنائے نہیں بنتی، پردہ اٹھائے نہیں اٹھتا¹۔ مقطع "عشق پر زور نہیں ہے یہ وہ آتش غالبؔ، کہ لگائے نہ لگے اور بجھائے نہ بنے" عام بول چال میں محاورے کی طرح استعمال ہوتا ہے۔

غزل

نکتہ چیں ہے غم دل اس کو سنائے نہ بنےکیا بنے بات جہاں بات بنائے نہ بنے

میں بلاتا تو ہوں اس کو مگر اے جذبۂ دلاس پہ بن جائے کچھ ایسی کہ بن آئے نہ بنے

کھیل سمجھا ہے کہیں چھوڑ نہ دے بھول نہ جائےکاش یوں بھی ہو کہ بن میرے ستائے نہ بنے

غیر پھرتا ہے لیے یوں ترے خط کو کہ اگرکوئی پوچھے کہ یہ کیا ہے تو چھپائے نہ بنے

اس نزاکت کا برا ہو وہ بھلے ہیں تو کیاہاتھ آویں تو انہیں ہاتھ لگائے نہ بنے

کہہ سکے کون کہ یہ جلوہ گری کس کی ہےپردہ چھوڑا ہے وہ اس نے کہ اٹھائے نہ بنے

موت کی راہ نہ دیکھوں کہ بن آئے نہ رہےتم کو چاہوں کہ نہ آؤ تو بلائے نہ بنے

بوجھ وہ سر سے گرا ہے کہ اٹھائے نہ اٹھےکام وہ آن پڑا ہے کہ بنائے نہ بنے

عشق پر زور نہیں ہے یہ وہ آتش غالبؔکہ لگائے نہ لگے اور بجھائے نہ بنے

مشکل الفاظ

• نکتہ چیں: عیب نکالنے والا، نکتہ چینی کرنے والا
• جذبۂ دل: دل کی کشش
• بن جائے کچھ ایسی: ایسی مشکل آ پڑے
• بن آئے نہ بنے: آئے بغیر چارہ نہ رہے
• ستائے: تنگ کیے، دکھ دیے
• نزاکت: نازکی
• جلوہ گری: جلوہ دکھانا
• بن آئے نہ رہے: آئے بغیر نہ رہے
• آن پڑا: اچانک آ پڑا
• آتش: آگ